Can you tell which one or two is my design??
2008年9月8日 星期一
2008年9月5日 星期五
厭悶...........!!
距離interview的日子還有十七天............
感覺厭悶好想嘔,
每天只想抖一抖,
抖完之後就逃走..........
逃到那裏都係嘔.............
我想已經真受夠............
唔好迫我變癲狗..............
阿門!
2008年9月2日 星期二
![more_resize_small[1]](http://lh6.ggpht.com/MinX801/SLzcdSaE52I/AAAAAAAAAj8/RtrE7dJVtdY/s1600-h/more_resize_small12.jpg)
2008年8月30日 星期六
最大侮辱!!!激氣到爆!!!!
今天陪友人Y去看姊妹裙, 由於真的
有點疲倦的關係, 確實唔係幾好"老脾"
行到去第三間在尖沙咀百利商場的一間垃圾姊妹裙店鋪, 被一個死八婆x+y+z盡情侮辱..................
死八婆 :我地D手工質地都比其他人企理嫁...........你睇件件都有袋套著.......
友人Y :等我選幾件俾你試啦........
我 :好.........
死八婆 :唔......你個躉咁橫....呢件可以遮著...... 我拿著條"仆街裙"入店內試身時, 個死八婆又話...... 死八婆 :呢條裙真係可以遮你個躉, 不過我驚你拉唔到拉鏈.......我店裏只有中碼!
我 ;(俾面友人Y唔出聲, 條拉鏈當然拉到啦, 仆街!!!!)
友人Y: D高腰款會唔會著肥我D姊妹嫁?
死八婆: 我有兩個款專俾肥人著嫁..........(仆你個街呀!)
當我著出來時我和Y也不喜歡, 這個仆街叫我問心係唔係靚呀! 我心想只有一句, 都係個句"仆你個街啦!"
跟著個死八婆又來摸我又話我大汗會弄污她的衫(仆街!三百幾蚊, 有無咁巴閉呀!而我根本沒有一滴滴汗流出!!!) 之後她叫我吹下冷氣才試第二件(好! 我又忍你, 死仆街!!)
等到得到她允許我試第二件時, 突然拉開布薕話要俾紙巾我抹身.........我屌........我正在除Bra我喝著她, 條仆街話唔好意思.......你知就好啦!!!!!!!仆街!!
跟著我都完全唔想再試, 就跟她說"穿不上呀!"
條仆街再說:"都話你著唔落啦!!"
大家會唔會認為她是一個很瘦的索女呀?! 當然唔係啦! 條八婆都有四五十歲的肥婆!!!! 我現在唔係話我唔肥...........但從來從來都無人這樣侮辱過我.....我相信我還能穿上Size8-12的衫, 仍未需要肥到去死吧!!救命...............!!!
放工回家已經疲倦得半條一命, 正準備沖涼之際, 看見小貓們........
究竟有什麼好睇呢?
睇真D...........
再睇真D...............
嘩! 救命呀...............!!!!!!!!!! 好巨型的四腳蛇呀呀呀呀呀!!!!!!!!!!!
Un豬豬唔好傻啦......... 咁高你捉唔來呀.......
就這樣在尖叫, 大叫, 狂叫中花了一小時加半支殺蟲水才可了結它的生命......這一晚我死了很多細胞.............
2008年8月28日 星期四
無聊透頂之旅
今班機經酒店員工建議後我和友人Y就決定參加一年一度的Notting Hill Carnival, 去到High Street Kensington已經見很多很多人都是去慶祝的
所有人都歡天喜地........但係因什麼慶祝呢.......?
沿路除了有人賣椰青及有一個人在畫畫外, 真的什麼也沒有就只有人.......
一直行, 行了大約都有40分鐘.......都係只有人........
人多到警員也要築起人牆分道遊人.............. 
不遠處也有一道"馬牆"..........忍唔著都要問一問騎警, 究竟人們在慶祝什麼呢? 估都估唔到個答案係..........."無o嫁...只是每年都這樣慶祝吧了"..........!!花了兩個多小時不停地行呀, 行呀...........最後我們見到的就是這樣的環境.
回程也花了個多鐘去行回原處, 真係"聊爆"!!!
2008年8月22日 星期五
唉.............
八號風球究竟會唔會來呀?
現在距離interview只有大約12個鐘,
取消??
繼續溫書???
放棄???????
等運到..................????????
有無人話我知點樣有把握在45分鐘內連環用英文答問題, 講出6-8個經驗(要精彩,要長盡,要真實,要........), 又能講出Management skill, coaching, developing, motivating................而又一樣東西都不能講錯, 錯一即"肥"
天呀!! 我是不是在考狀元呀........?????
2008年8月20日 星期三
2008年8月19日 星期二
答得好!!
打電話給友人X, confirm是否參加這個"升者請食飯計劃", 再講一下interview的準備,(以下絕對是兩位空姐的對話, 唔知你信唔信?)
我: 喂, 你有無想過如果interviewer問 Why should I give you the job? o甘你
點答呀?
友人X: 都"On 九"既, 我會答:做"能"左十"九"幾年,仲唔"能"升, 仲要同D細你十"九"幾年的新同事爭, 我屌..... 問已經"On 九"啦...仲"能"要我答簡直係"On 能九"啦...我屌............你老味...........
我: 哈哈哈哈哈.................屌!......點解我無想過這樣答呢........!!
不得不佩服友人D的腦袋, 我都真係好"能"想o甘答................屌.......!!2008年8月18日 星期一
撞鬼..............唉!!
科技簡直係我既敵人,
都唔知點搞...........
電腦只係買左四, 五個月
個SD card driver就壞鬼左啦..........妖........!!!!!
咁! 寫blog無相睇,
好齋呀...............!!2008年8月15日 星期五
Spitalfied Antique Market
今次與友人M到Spitalfield Antique Market, 其實無我上次來般精彩, 可能是早了點吧! 我們十二點未到已經到達, 有部份檔仔還未開.............
忘記了影低Market外貌, 只真這兩頭白馬太大隻, 太有型, 固被它們吸引著!
同其他的Market比較, 這裏有分開買新款潮物及古董兩邊。
第一檔賣的是自家設計手飾, 是高水準之作, 我看中兩條一頸鍊, 友人看中介指一隻, 經我們車輪講價之後, 泰籍檔主失守以50英磅三件成交, 而我這樣又花了38英磅........在附近的手造公仔檔位, 檔主也是泰人, 他們的設計樣衰得來也幾得意。
而Market的另一邊就售買著其他古靈精怪的東西.........
你看這些公仔頭, 都幾恐佈, 唔知什麼人會買呢? 
2008年8月10日 星期日
向$6000出發!!
原本今個月我個Collection就埋尾.......
但係突然間公司要我去interview,
十萬樣東西要寫要背.........
但係............
成功者..........
人工加 $6000
你叫我搞Collection......
OR
搞interview先呢???????
但係如果贏面不大的呢............唉...............!!!!
作品on the way..........
2008年8月8日 星期五
Back to life, back to reality.............
生日過後, 一切又回復原貌------忙到爆呀! 跟本唔知由那裏開始,今晚剛從英國回來,好幸運地有四日假期, 但要我處理的事有:
Day 1 :
1. 要回公司交醫生紙, 否則扣人工! (中環五點前)
2. 找蝴蝶仔....... (深水埗六點前)
3. 去裁縫處看裙子的進度......及交蝴蝶仔....... (佐敦兩點後)
4. 在家設計at least一個裙款!!! (唔知幾時......)
5. 晚上去做gym (中環) (都唔知幾時.....)
6. 準備interview既廢話....... (真係唔知幾時可以.......)
我的座駕又壞了,有無人話我聽我明天應做什麼先呢?
還有現在已經是凌晨三點半鐘..........48小時內我只睡了3h15mins, 那麼明天我可以睡到幾點呢....................? 我又有幾多時間用呢?
Day 2:
真正放假一天!!.............或準備及練習interview的廢話..........還要去做gym。希望有時間寫blog...........
Day 3 :
1. 車衣仙子來我家開工, 希望我件千年corset可以完成吧!
2. 晚上回家跟家人吃飯。
3. 唔知有無時間寫blog呢..............?Day 4:
1. 交出三個裙款.........
2. 應該完全準備好interview的廢話.......大概有十二三頁紙吧.........!!
3. 再去裁縫處開會。
4. 希望可以去做gym........
Day 5: 又飛..................................................................................!!2008年8月5日 星期二
回味Amigo
從前一直都好想試下這間老牌餐廳, 但近幾年被其他新的酒店,餐廳吸引, 漸漸將它淡忘。
在生日當晚他就給了我這個驚喜。
如傳說中的一樣,餐檯上已放了印有我兩名字的小薄......
頭盤是法國鵝肝 (該死! 理應跟這殘忍的食物說不........)
再來一個超新鮮的 Clam chowder
很少見有餐聽如此有心思送上西柚sorbet, 來清清味蕾才食主菜! 
員工推出餐車, 即場為我們的黑松露鵝肝牛排上碟........佩上薯菜.........yum!!
甜品過後員工推出有壽星公公仔的生日蛋糕車及 live band大唱生日情歌, 還給我們影了張寶麗萊......
最後送上紅玫瑰一支及拍得很美的寶麗萊相片...........
雖然待應也如傳說中的燶面, 但竟然完全不影響我及其他食客的心情, 你可想像這餐廳本身的食物, 環境及service的安排有幾咁好呢!
這麼多驚喜之後再來驚喜, 就是價錢不是想像中的貴, 比起上年在Island-Shagrila沉悶的birthday dinner 平上一半, more enjoyment, less spending, good, good, good!!
2008年8月4日 星期一
2008年的最大收獲
從一個電腦白痴, 變成無咁白痴地有自己的blog ; 從一個孤獨精, 變成日日對著電腦等blog友留言的電車女...........變化可不算很大, 但變化卻很明顯......
在我寫blog,不足4個月以來, 我認識了揚眉, 空姐Elaine, 素顏天使, Red, 車縫人,及一度失去聯絡的sweet revenge, 得到你們經常留言鼓勵真的令我感到窩心及快樂, 在不知不覺中我想我們已建立了神秘的友誼, 就像年少時pen-friend一樣...........在這裏容我多謝各位豐富了我的生活, 及老土D講句: 祝友誼永固!!
訂閱：
文章 (Atom)
